शिरूरकासार येथील गुंड सतीश भोसले ऊर्फ खोक्याने २०० हरण्यांची शिकार केली असा आरोप करण्यात आला आहे. सतीश भोसले याने केलेल्या मारहाणीचा व्हिडिओ सोशल मीडियावर व्हायरल झाल्यानंतर पोलिसांनी गुन्हा दाखल केला आहे. भोसलेची प्रॉपर्टी जप्त करण्याची मागणी आता करण्यात आली आहे.
बीडच्या शिरूरकासार येथील गुंड सतीश भोसले ऊर्फ खोक्या याच्यावर सातत्याने गंभीर आरोप होत आहेत. खोक्याने आतापर्यंत तब्बल २०० हरण्यांची शिकार केल्याचे सांगितले जात आहे. हेच नाही तर त्याचे बेदम मारहाणीचे दोन व्हिडीओ सोशल मीडियावर व्हायरल झाले, त्यानंतर मोठी खळबळ माजली. सतीश भोसले बॅटने एका व्यक्तीला बेदम मारहाण करताना दिसला. आता सतीश भोसले याचे नवनवीन कारनामे उघड होताना दिसत आहेत. सतीश भोसले याच्यामुळे आमदार सुरेश धस यांच्या अडचणी देखील वाढल्या आहेत.
सतीश भोसलेची दहशत इतकी जास्त की, त्याच्याविरोधात गुन्हा दाखल करण्यास गेलेल्या ढाकणे कुटुंबियांची साधी तक्रार देखील पोलिसांनी घेतली नाही. सोशल मीडियावर क्रूर मारहाणीचा व्हिडीओ व्हायरल झाल्यानंतर पोलिसांनी गुन्हा दाखल केला. गेल्या काही दिवसांपासून खोक्याच्या शोधात पोलिस आहेत. मात्र, तो अजून फरार आहे. फरार असतानाच त्याने tv9 ला मुलाखत दिली. लोक पोलिसांवर आरोप करताना देखील दिसत आहेत.
सतीश भोसले याची संपत्ती करोडोंच्या आसपास असल्याचे सांगितले जात आहे. आता सतीश भोसले याची संपत्ती जप्त करण्याची थेट मागणीच केली जातेय. आता सामाजिक कार्यकर्ते राम खाडे यांनी पोलीस अधीक्षकांकडे पत्र पाठवून ही मागणी केली आहे. सतीश भोसले उर्फ खोक्या याची प्रॉपर्टी जप्त करण्याचे पत्र पोलीस अधीक्षक नवनीत कॉवत यांच्याकडे देण्यात आले आहे. आष्टी येथील सामाजिक कार्यकर्ते राम खाडे यांनी या पत्रातून मागणी केली आहे.
सतीश भोसले याच्याकडे कोट्यावधी रुपयांची संपत्ती तसेच आलिशान गाड्याहि आहेत. याबरोबरच तो पत्ते खेळण्याचा शौकीनदेखील होता. त्यातून त्याने लाखो रुपयांची माया गोळा केल्याची माहिती आहे. अहिल्यानगर, आष्टी, पुणे, बीड जिल्ह्यांमध्ये तो पत्ते खेळायचा. तसेच राज्यात होत असलेल्या चोऱ्यातून त्याने सोने गोळा केले होते. यात आमदार सुरेश धस यांचा देखील समावेश असून त्यांची देखील चौकशी झाली पाहिजे, अशी मागणी राम खाडे यांनी केलीये.
#sureshdhas #maharashtrapolitics #khokyabhosale #latestmarathinews
Users Today : 19