वानखेडे स्टेडियमवर तीन स्टँडचं नामकरण सोहळा मोठ्या दिमाखात पार पडला. तीन स्टँडला दिग्गजांची नावं देण्यात आली. रोहित शर्मा स्टँड, अजित वाडेकर स्टँड आणि माजी बीसीसीआय अध्यक्ष शरद पवार यांचं नाव स्टँडला देण्यात आलं आहे. या कार्यक्रमाला मुख्यमंत्री देवेंद्र फडणवीस यांची उपस्थिती होती. यासह मुंबई इंडियन्सचे खेळाडू, माजी टीम इंडियाचा कर्णधार रवि शास्त्री आणि दिलीप वेंगसरकर यासह इतर मान्यवर उपस्थित होते. रोहित शर्माने आंतरराष्ट्रीय टी20 क्रिकेटनंतर कसोटी फॉरमेटमधून निवृत्ती घेतली आहे. रोहित शर्मा टीम इंडियात आता फक्त वनडे क्रिकेट खेळताना दिसणार आहे. मुंबई क्रिकेट असोसिएशनने रोहित शर्माच्या क्रिकेटमधील योगदानासाठी हा सन्मान दिला आहे. वानखेडे मैदानात रोहित शर्माने अनेक मोठ्या खेळी केल्या आहेत.
[democracy id="1"]
